West Bengal Field: Cultural Dresses - Rev. B. Zirsangliana

West Bengal Field: BCNB Inkhawmpui 2015 - Rev.B.Zirsangliana

Dt 9 - 11 Nov 2015 ah khan BCNB (Baptist Church of North Bengal) inkhawmpui vawi 23 -na chu Mission Campus, Birpara neih a ni. Kuminah hian Speaker ah Rev. Vanlalhruaia (Binaguri) hman a ni a, inkhawmpui thupui ah Krista lo kal lehna tih a ni. Inkhawmpui hlung takin kan hmang a, Sikkim lam leh Siliguri lam atang te pawhin kan Missionary te kim takin an lo kal thei a, kan lawm hle. an ni bakah hian Kan Kohhran member engemaw zatin kan inkhawmpui min hmanpui bawk.

                                     

West Bengal Field: Rajbhongshi Area Inkhawmpui - Rev.B.Zirsangliana

Dt 30 Oct - 1st Nov 2015 ah khan Rajbhoingshi Area inkhawmpui vawikhatna Siliguri ah kan nei a. Pathian hruaina zarah hlim tak leh tluang takin Prog kan hmanga, nuam kan tiin a hlimawm hle.

Pioneer Workers in W.Bengal Field

1. Rev Ngunkhara (First Missionary) - 1975
2. Laltanpuia (First Head Master, ZBMS) - 1978
3. Rev. F.Ramdinmawia (First Field Director) - Since 1987
4. Rev. Anjok Sanguth - Since 1992

Rev. Anjok Sanguth (L) nghilh loh nan:

Kum tam tak West Bengal Field a Kohhran hote hmangaih taka min lo enkawl sak thintu, kan Pastor duh em em Rev. Anjok Sanguth (8th March 1952- 14th Oct 2015) chuan 14th Oct 2015 khan chatuan ram min lo pan san ta. Vawiin hian ama puala inkhawmna hnuhnung ber (Antim Sewa) kan nei a, a lunglen thlak in kan va ui teh lul em. Vawin ama puala Programme hnuhnung ber kan hman avangin amah hriat reng nan he thu hi ka han post-duh a ni.

Rev. Anjok Sanguth hi Nepali niin Lepchah hnam (Sikkimese dik tak) a ni a, tunah hian Nepali Pastor bial min enkawl sak mektu a ni bawk. Kum 1983-1987 khan Eastern Theological College, Jorhat (Assam) ah BTh a zir zo a, 1989 ah Mrs Rekha nen inneiin fapa (Jonah) leh fanu (Juniruth) neiin chhungkaw nun hlim leh zangkhai tak an ni thin. West Bengal Field (BCM) ah Pro Pastor a tan kum 1992 lakluh niin 20th March 1994 khan ZBM Committee remtihnain Ordain-a ni. Tunah hian Baptist Church of North Bengal ah Executive Secretary ni mek lai a ni bawk. 

West Bengal Field a ka luh hnu (From 18th April 2013)hian Rev. Anjok nen hian rawngbawlna kawng hrang hrangah kan in kawp tam hle a. Pastor ka hriat tawh zingah pawh mi inngaitlawm leh kawm nuam ber te zing ami a ni. Mi nunnem tak leh mi rilru tih lungawiloh hlau tak mi a ni. Kan in hmelhriat tirh atanga a thihni thlengin a thinur hmel ka la hmu ngai miah lo. Mahni tana hma sial ngai lo leh mi thil phal tak a ni bawk. Hun liam tawhah kohhranin hun khirh leh harsa tak tak a paltlang lai pawh a Kohhran humhim tu a ni a, midang ten silai nen an vau a Kohhran chhuahsan tura an tih lai pawhin rinawm taka BCM Mission tana thawk thin, eng lai pawha Missionary te tan tlat a phatsan ngailotu a ni. Kan tan chuan channa nasa tak a ni a, kan ui tawp dawn lo a ni.

Baptist Church of Sikkim Inkhawmpui (23rd - 25th Oct 2015)

Dt 23 – 25 Oct 2015 ah khan Baptist Church of Sikkim Inkhawmpui, BCS Bimire (Rinchenpong) an neih a ni. He inkhawmpuiah hian inkhawmpui palai pawh kan kal tha hle a, palai zawng zawng mi 70 vel lai kan tling. West Bengal lam atangin Field Director hoin Missionary pawh 8 laiin kan han hmanpui bawk. Inkhawmpui dawltute inbuatsaihna a tha hle a, Programme pawh kan hmang nuam hle. He inkhawmpuiah hian Speaker ah Field Director, Rev.B.Zirsangliana hman a ni. “Kristian nun” tih thupuia hmangin thua  rawngbawlna a nei a, Missionary ten zaia rawngbawlna Programme zawng zawngah an nei bawk. Kan haw lamah Nl.Lalramsangi te khua, Mazua kan tlawh pah bawk a, a tih zia hle. He inkhawmpui hlawhtling taka min neihtirtu Pathian chungah lawmthu kan sawi e.

Tunah Sikkim ah hian hmun thumah kan Missionary ten Evengelism hmalakna lian tak an nei mek a, Pu Daniela Hnamte (Area Supervisor) te nupa  Rinchenpong ah awmin Nl Lalramsangi Mazuaah a awm a, Pu Laldinliana te nupa Ravangla lawmah an awm bawk.   

Kanchenjunga : A View From Daniel's House (BCM Quarters)

 

Baptist Church of Sikkim (3rd Samelan)

BCS Mazua Thalaite

BCS Bimire Thalaite

 

Gangtok Kohhran Thalaite

Pu Daniela te nupa

Zoram Baptist Mission School (ZBMS, Birpara):

Zoram Baptist Mission School (Birpara) hi kum 1978 khan bul tan a ni a, Head Master hmasa ber chu Pu Laltanpuia a ni. Tunah hian Head Mistress, Eunice Lalrinpuii khiangte enkawlna hnuaiah Student pawh 600 vel lai an awm ve tawh a ni. Sorkar lamah NOC leh CBSE-Affiliation tifel tura hmalak mek a ni bawk

Teachers (Missionaries )                                 -             7 

Native Teachers (Contact basis)                     -           12

Other staffs                                                     -             7

TOTAL                                                          -            26